Ерөнхийлөгч У.Хүрэлсүх Хятадад айлчилж байна

Б.Бадамзул

Чихэнд чимэгтэй

2022-11-28

Монгол Улсын Ерөнхийлөгч У.Хүрэлсүх БНХАУ-д хоёр өдрийн айлчлал хийж байна. Бээжин хотын нисэх онгоцны буудалд түүнийг БНХАУ-ын Гадаад хэргийн дэд сайд Сүнь Вэйдун, Гадаад хэргийн яамны Азийн газрын захирал Лю Жиньсун, Монгол Улсаас БНХАУ-д суугаа Онц бөгөөд Бүрэн эрхт Элчин сайд Т.Бадрал нар угтжээ. Ерөнхийлөгч У.Хүрэлсүх өнөөдөр БНХАУ-ын дарга Ши Жиньпинтэй албан ёсны хэлэлцээ хийнэ. Мөн БНХАУ-ын Төрийн зөвлөлийн Ерөнхий сайд Ли Көчян, Бүх Хятадын Ардын Төлөөлөгчдийн Их Хурлын Байнгын хорооны дарга Ли Жаньшу нар бараалхах аж. Хоёр тал уулзалтын үр дүнд “Иж бүрэн стратегийн түншлэлийн харилцааг гүнзгийрүүлэн хөгжүүлэх тухай” хамтарсан мэдэгдэл гаргана.