Нийслэлд цэргийн бүртгэл маргаашаас эхэлнэ

Н.Ариунсайхан

Чихэнд чимэгтэй

2023-01-03

Нийслэлийн хэмжээнд маргааш өдрөөс эхлэн 16 хоногийн турш цэргийн бүртгэл зохион байгуулахаар болжээ. Бүртгэлийг нийслэл болон дүүргийн ЗДТГ-аас зохион байгуулахаар бэлтгэл ажил хангасныг НЗДТГ-ын Цэргийн штабын дарга Г.Ялалт хэлжээ. Иргэд цэргийн бүртгэлдээ биечлэн оролцохоос гадна цахимаар оролцох боломжтой. Тухайлбал цахим үйлчилгээний нэгдсэн портал “E-Mongolia” гар утасны аппликэйшн, www.E-Mongolia.mn вэбсайтаас гадна төрийн үйлчилгээний операторуудаар дамжуулан хүсэлтийг хүлээж авч байгаа юм. Энэ жилийн хувьд системд зарим сайжруулалтыг хийснээр иргэдийн оршин суугаа хаягаар цэргийн бүртгэлд хамрагдах хүсэлтийг хуваарилж байгаа аж.