Харбин: Монгол улс түүхэндээ хамгийн өргөн бүрэлдэхүүнтэй өвлийн спортын наадамд орно

Н.Ариунсайхан

Чихэнд чимэгтэй

2025-01-31

БНХАУ-ын Харбин хотноо долоо хоногийн дараа эхлэх Азийн өвлийн спортын IX наадамд Монгол улсаас 35 тамирчин оролцохоор бэлтгэл сургуулилтаа хангаж байгаа билээ. Тэд дөрвөн спортын долоон төрөлд 28 дасгалжуулагчийн удирдлага дор наадамд оролцох бөгөөд түүхэндээ хамгийн олон бүрэлдэхүүнтэй Харбины наадмыг зорих гэж байна. Нийт 34 орны 1275 тамирчин 11 спортын 64 төрөлд өрсөлдөх тус наадмыг Хятад улс гурав дахь удаагаа хүлээн авч буй бөгөөд манай улсын баг тамирчид өвлийн спортын наадамд тасралтгүй оролцсоор ирсэн юм. Ингэхдээ энэ наадмаас нэг мөнгө, зургаан хүрэл буюу нийт долоон медаль хүртсэн түүхтэй.